RESTIBILIS Ager

RESTIBILIS Ager
qui quotannis obsitus est; sicut Novalis, qui alternis quiescit, et Vervactum quoque dicitur. Varro, RR. c. 44. Multum interest, in ruditerra, an in ea seras, quae quotannis obsita sit, an in vervacto, quae interdum requiêrit. Et quidem, pinguissima humus est, quae fit restibilis et quotannis fert: media, quae alternis annorum vicibus requiescit ac seritur. Sic de Mesopotamiae fertilitate Plinius, l. 18. c. 17. Nec terra ipsa herbas gignit, ubertatis tamen tantaesunt, ut, sequente annô, restibilis fiat seges, impressis vestigio seminibus. In Hyrcania similiter, tantem esse fertilitatem Auctores ferunt, ut semen ex spicis cadivum sequente annô restibilem segetem reddat etc. Atque hinc restibile videtur Plinio dictum, quasi restituibile, ut restibilem dicat fieri segetem, quae omnibus annis restituitur, quemadmodum substitivum Appuleius vocat,
quod in locum deperditorum substituitur. Mavult tamen a restando vocis etymon arcessere Salmasius, quod istiusmodi ager duret, perseveret ac resistat. Propert. l. 3. El. 7. v. 31.
——— Dum restat barbarus Hector.
Sedulo autem cavisse, veteres Agricolas, ne frumentum bienniô continuô terris ingererent, sed leguminibus, aut miliô aut panicô aut etiam rapis restibilis fieret ager, discimus ex Festo: namque et qui diversi generis fruge seminaretur, restibilis dictus est. De optimis ac pinguissimis Campaniae arvis Plinius, Si fuerit illa terra, quam appellavimus teneram, poterit sublatô bordeô (quod est ex genere farrei spici) milium seri. Eô conditô rapa: his sublatis bordeum rursus vel triticum. Qui ordo observabatur apud Veteres in omnibus agris pinguibus, ut videl. collectô frumentô bis leguminibus obsererentur, priusquam ad frumentum seu farreum spicum redirent. In minus pinguibus ac mediocribus, sublatô frumentô legumen tertio serebatur. Graciliores nempe terrae in tertium annum cessabant, et per id tempus nec arabantur, de quibus Virg. l. 1. Georg. v. 83.
Nec nulla interea est inaratae gratia terrae.
Quô tempore, terrâ cessante, quum herbae succrescerent, pabulo erat pecoribus. Uti vero graciles terrae requiescunt intermissione laboris et cessatione, ita pingues renovatione arationis et frugum mutatione. Idem, l. 1. Georg. v. 82.
Sic quoque mutatis requiescunt fetibus arva etc.
Vide Salmas. ad Solin. p. 731. et 732.

Hofmann J. Lexicon universale. 1698.

Look at other dictionaries:

  • NOVALIS — vide infra Restibilis ager …   Hofmann J. Lexicon universale

  • terre — Terre, f. penac. Est l un des ouvrages premiers de Dieu, attribué aux hommes, où tous animaux et alimens d iceux sont placez, et est le centre du comble de l air, Terra, dont il est parti: l Italien suit le Latin, disant terra, l Espagnol l… …   Thresor de la langue françoyse

  • retouble — Un Retouble, Une terre qu on seme tous les ans, Ager restibilis …   Thresor de la langue françoyse

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.